zurück zu
"Pommersches Platt"



 

Bernhard Trittelvitz 
1878 - 1969, geb. im Kreis Belgard
Arzt und Dichter in vorpommerschem Platt
(Rügen)


Groß Tuchen:
Geschichte, Kultur, Soziologie und Genealogie eines Dorfes in Hinterpommern



Subscribe to "Pomeranian_Griffin"


 © Heinz Radde 1998-2015
Impressum
Kontakt



 

Tonbeispiel aufgenommen in Patzig, März 1999,
aus
CD "De Pasterjung von Rappin"
Plattdüütsches von den'n Rügenverteller



Mien Mudderspraak


To jede Tiet, bi Dag un Nacht,
bi Sünnenschien un Daak,
deep in mien Harten singt un lacht
Mien leeve oll Mudderspraak.

Se kennt mi al as lüttes Kind,
dat noch keen Hooch verstünn,
un doch mit Busch un Bloom und Wind
up Plattdüütsch snacken künn.

En Eekboom stünn vör unse Puurt,
dor harr de Uul in buugt.
Se jööld de Nacht in enen fuurt:
"Kumm mit! Kumm mit! Mi gruugt!"

Un von den Strand her reep mi nu
de groote, wille See.
Se snackd von'n Fischer un sien Fru
un Buttche Timpetee.

Bi Morgengragen ävers füng
de swartwitt Kiewitt an.
He floog den ganzen Dag un süng:
"Wur bliev ik, bliev ik man?'

Doch s' avends, wenn dat schummern würd,
un Fräden siet un wiet.
denn sloog de Bäädklock an un lürrd:
"Laavt Gott, laavt Gott alltiet!"

Ik segg di, Jung, so hüürd ik dat,
as ik noch ganz, ganz lütt.
Keen Wunner, dat uns Pommersch Platt
deep in mein Harten sitt.